ဒေါ်အောင်ဆန်းစုကြည်နဲ့ ဆက်သွယ်ခွင့်ရရေး ကိုထိန်လင်း တိုက်တွန်း

မိခင်ဖြစ်သူ ဒေါ်အောင်ဆန်းစုကြည်နဲ့ ပုံမှန်တိုက်ရိုက်ဆက်သွယ်ခွင့်ရရေး မင်းအောင်လှိုင်ထံ တောင်းဆိုပေးဖို့ အာဆီယံအထူးကိုယ်စားလှယ်ကို ကိုထိန်လင်း တိုက်တွန်း

၂၀၂၆ အောက်တိုဘာ ၂၈ Myo Taw

မိခင်ဖြစ်သူ ဒေါ်အောင်ဆန်းစုကြည်နဲ့ ပုံမှန်တိုက်ရိုက်ဆက်သွယ်ခွင့်ရရေး မင်းအောင်လှိုင်ထံ တောင်းဆိုပေးဖို့ အာဆီယံအထူးကိုယ်စားလှယ်ကို ကိုထိန်လင်း တိုက်တွန်း

အောက်တိုဘာ ၂၈

မိခင်ဖြစ်သူ ဒေါ်အောင်ဆန်းစုကြည်နဲ့ ပုံမှန်တိုက်ရိုက် အဆက်အသွယ် ပြုလုပ်ခွင့်ရဖို့ အာဆီယံအထူးကိုယ်စားလှယ် မာရီယာ ထရီဆာ လာဇာရို အနေနဲ့ မင်းအောင်လှိုင်ထံ တောင်းဆိုပေးဖို့ ဒေါ်အောင်ဆန်းစုကြည်ရဲ့ သားငယ်ဖြစ်သူ ကိုထိန်လင်း (ခေါ်) ကင်မ်အဲရစ်က တိုက်တွန်း မေတ္တာရပ်ခံလိုက်ပါတယ်။

မိသားစုဝင်အချင်းချင်း အဆက်အသွယ် ပြုလုပ်ခွင့်ရရှိရေးဟာ အခြေခံလူ့အခွင့်အရေး တရပ်သာဖြစ်ပြီး နိုင်ငံရေးအရ မျက်နှာသာပေးခြင်း မဟုတ်ဘူးလို့ ကိုထိန်လင်းက ပြောပါတယ်။

အာဆီယံရဲ့ ဘုံသဘောတူညီချက် ၅ ချက်မှာ အကြမ်းဖက်မှုတွေ ချက်ချင်းရပ်တန့်ဖို့နဲ့ သက်ဆိုင်သူအားလုံး ပါဝင်တဲ့ တွေ့ဆုံဆွေးနွေးမှုတွေ ပြုလုပ်ဖို့ တောင်းဆိုထားသလို ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံးကို ပြန်လွှတ်ပေးဖို့ အာဆီယံဘက်က တိုက်တွန်းထားတယ်လို့လည်း ကိုထိန်လင်း က ထောက်ပြထားပါတယ်။

ဒါ့အပြင် သတ်ဖြတ်မှုတွေကို အမြန်ဆုံးရပ်တန့်ဖို့နဲ့ ဖမ်းဆီးထိန်းသိမ်းခံထားရတဲ့ နိုင်ငံရေးအကျဉ်းသားတွေကို အမြန်ဆုံးပြန်လွှတ်ပေးဖို့ တောင်းဆိုထားပြီး စစ်အုပ်စုကို တရားဝင်အသိအမှတ်ပြုမှု မပေးခင် တာဝန်ခံမှု အရင်ရှိရမယ်လို့လည်း ကိုထိန်လင်းက ပြောဆိုထားပါတယ်။

မြို့တော် News Channel