အယ်လ်နီညို ဖြစ်စဉ် မှတ်တမ်းတင်ထားသမျှထဲ အပြင်းထန်ဆုံး ဖြစ်လာနိုင်တယ်လို့ WMO သတိပေး
စက်တင်ဘာ ၄
လက်ရှိ ဖြစ်ပေါ်နေတဲ့ အယ်လ်နီညို (El Niño) ရာသီဥတုဖြစ်စဉ်ဟာ လာမယ့် ၂၀၂၇ ခုနှစ် ဖေဖော်ဝါရီလအထိ ဆက်လက်ဖြစ်ပေါ်နိုင်ခြေ ၁၀၀ ရာခိုင်နှုန်းနီးပါးရှိတယ်လို့ ကမ္ဘာ့မိုးလေဝသအဖွဲ့ (WMO) က ခန့်မှန်းထုတ်ပြန်လိုက်ပါတယ်။
အယ်လ်နီညိုဆိုတာဟာ ပီရူးနိုင်ငံကမ်းလွန် ပစိဖိတ်သမုဒ္ဒရာ အီကွေတာအနီးမှာ ပင်လယ်ရေမျက်နှာပြင်အပူချိန် ပုံမှန်ထက် မြင့်တက်လာတဲ့ ဖြစ်စဉ်ဖြစ်ပြီး ကမ္ဘာတစ်ဝန်း အပူလှိုင်းဖြတ်တာနဲ့ မိုးခေါင်ရေရှားတာလိုမျိုး ပုံမှန်မဟုတ်တဲ့ ရာသီဥတုဆိုးကျိုးတွေကို ကြုံတွေ့ရလေ့ရှိပါတယ်။
အပူပိုင်းပစိဖိတ်ဒေသတစ်ဝန်း ပင်လယ်ရေမျက်နှာပြင် အလွန်ပူနွေးနေမှုကြောင့် လက်ရှိ အယ်လ်နီညိုဖြစ်စဉ်ဟာ လာမယ့်လတွေမှာ ပိုမိုအားကောင်းလာပြီး အလွန်ပြင်းထန်တဲ့ အဆင့်အထိ ရောက်ရှိနိုင်တယ်လို့ ဆိုပါတယ်။
အယ်လ်နီညိုဖြစ်စဉ်ဟာ ဒီနှစ်ကုန်ပိုင်းမှာ အမြင့်ဆုံးအဆင့်ကို ရောက်ရှိနိုင်ပြီး ရာသီဥတုအပေါ် သက်ရောက်မှုတွေဟာ ၂၀၂၇ ခုနှစ်အတွင်းအထိ ဆက်လက်ရှိနေနိုင်တယ်လို့ WMO က ခန့်မှန်းထားပါတယ်။
လက်ရှိ အားကောင်းလာတဲ့ နှုန်းအတိုင်း ဆက်လက်ဖြစ်ပေါ်နေမယ်ဆိုရင် အရင်က စောင့်ကြည့်မှတ်တမ်းတင်ခဲ့ဖူးတဲ့ အယ်လ်နီညိုဖြစ်စဉ်တွေထက် ပိုမိုပြင်းထန်တဲ့ ဖြစ်စဉ်တစ်ခု ဖြစ်လာနိုင်တယ်လို့ WMO အထွေထွေအတွင်းရေးမှူး ဆယ်လက်စ်တေး ဆော်လိုက ဆိုပါတယ်။
အယ်လ်နီညို ပိုမိုပြင်းထန်လာပါက မိုးရွာသွန်းမှုနဲ့ အပူချိန်ပုံစံတွေကို သိသိသာသာ သက်ရောက်စေနိုင်သလို ရေကြီးရေလျှံမှု၊ မိုးခေါင်ရေရှားမှုနဲ့ အပူချိန်လွန်ကဲမှု ဘေးအန္တရာယ်တွေကို ပိုမိုကြုံတွေ့ရစေနိုင်တယ်လို့လည်း သတိပေးထားပြီး၊ သက်ဆိုင်ရာနိုင်ငံတွေအနေနဲ့ လိုအပ်တဲ့ ကြိုတင်ပြင်ဆင်မှုတွေ ပြုလုပ်ထားကြဖို့ WMO က တိုက်တွန်းထားပါတယ်။
Ref & Photo; Reuters
မြို့တော် News Channel
နိုင်ငံတကာသတင်း
တရုတ်သမ္မတ ရှီကျင့်ဖျင်နဲ့ အမေရိကန်သမ္မတ ဒေါ်နယ်ထရမ့်တို့ တွေ့ဆုံဆွေးနွေးချိန်အတွင်း ဒုတိယကမ္ဘာစစ်တုန်းက နှစ်နိုင်ငံ မဟာမိတ်ဖြစ်ခဲ့တဲ့အကြောင်း ထည့်သွင်းပြောဆိုခဲ့ကြတာနဲ့ ပတ်သက်ပြီး ဒါဟာ စစ်သမိုင်းကို ပုံဖျက်ဖို့ ဘေဂျင်းဘက်က…
နိုင်ငံတကာသတင်း
မိုးသည်းထန်စွာ ရွာသွန်းပြီး မုန်တိုင်းတိုက်ခတ်မှုတွေကြောင့် အိန္ဒိယနဲ့ အိမ်နီးချင်း နီပေါနိုင်ငံတို့မှာ ရေကြီးမြေပြိုမှုတွေ ဖြစ်ပွားခဲ့ပြီး လူ ၇၀ ထက်မနည်း သေဆုံးခဲ့တယ်လို့ သိရပါတယ်။
နိုင်ငံတကာသတင်း
လေးနှစ်ခွဲကျော်ကြာလာတဲ့ ရုရှားကျူးကျော်စစ်ကို သံတမန်နည်းနဲ့ အဆုံးသတ်နိုင်ရေးအတွက် တရုတ်သမ္မတ ရှီကျင့်ဖျင်ကို ဖိအားပေးပြီး ရုရှားအပေါ် တရုတ်ရဲ့ သြဇာကို အသုံးချဖို့ အမေရိကန်သမ္မတ ဒေါ်နယ်ထရမ့်ကို ယူကရိန်းသမ္မတ…
နိုင်ငံတကာသတင်း
အမေရိကန်သမ္မတ ဒေါ်နယ်ထရမ့် နဲ့ ဝါရှင်တန်မှာ တွေ့ဆုံစဉ် တရုတ်သမ္မတ ရှီကျင့်ဖျင်က အမေရိကန်အနေနဲ့ ထိုင်ဝမ်လွတ်လပ်ရေးကို ဆန့်ကျင်တဲ့ ရပ်တည်ချက်ကို လိုက်နာဖို့ တိုက်တွန်းခဲ့တဲ့အပေါ် ထိုင်ဝမ်အစိုးရက…
