ရုပ်သံ
ပြည်တွင်းသတင်း
စက်တင်ဘာ ၂၈ ရက်နေ့ မြို့တော်ရဲ့ ညစဉ်သတင်းများ
၂၀၂၆ ခုနှစ် စက်တင်ဘာလ ၂၈ ရက်နေ့အတွက် မြို့တော်ရဲ့ ညစဉ်သတင်းများ
ပူတာအိုမြို့မှာ စည်းကမ်းမဲ့လွှတ်ထားတဲ့ နွားတွေ ဖမ်းဆီးနေ၊ ၇ ရက်အတွင်း မရွေးရင် လေလံတင်မယ်လို့ဆို
စက်တင်ဘာ ၇
ကချင်ပြည်နယ် ပူတာအိုမြို့မှာ စည်းကမ်းမဲ့ လွှတ်ထားတဲ့ နွားတွေကို စက်တင်ဘာ ၁ ရက်နေ့က စတင်ကာ သက်ဆိုင်ရာဌာနတွေနဲ့ ရပ်ကွက်အုပ်ချုပ်ရေးအဖွဲ့တွေ ပူးပေါင်းပြီး ဖမ်းဆီးထိန်းသိမ်းထားကာ ငွေပေးပြီး ပြန်ရွေးခိုင်းနေတယ်လို့ ဒေသခံတွေရဲ့ ပြောဆိုချက်အရ သိရပါတယ်။
နွားတွေကို အာဏာသိမ်းစစ်တပ်ရဲ့ တပ်ဖွဲ့ဝင်တွေအပြင် စည်ပင်သာယာအဖွဲ့၊ ထွေအုပ်၊ ရဲ၊ ရပ်ကွက်နဲ့ ကျေးရွာအုပ်ချုပ်ရေးမှူးတွေကပါ ပူးပေါင်းဖမ်းဆီးနေတာလို့ သိရပါတယ်။
ဖမ်းဆီးထားတဲ့ နွားတွေကို ရပ်ကွက်အလိုက် နွားခြံတွေမှာ ထိန်းသိမ်းထားပြီး နွားပိုင်ရှင်တွေက ကိုယ့်ရပ်ကွက်က နွားခြံတွေမှာ သွားရောက်စစ်ဆေးကာ ကိုယ့်နွားပါလာရင် ငွေပေးပြီး ပြန်ရွေးယူနေရတယ်လို့ သိရပါတယ်။
“ဖမ်းတဲ့နေ့မှာ ပြန်ရွေးရင် တစ်သောင်းပေးရတယ်။ တစ်ညကျော်သွားရင် နောက်ထပ်တစ်သောင်း ထပ်ပေးရတယ်” လို့ ကောင်ကထောင်ရပ်ကွက်နေ ဒေသခံတစ်ဦးက ပြောပါတယ်။
ဒါ့အပြင် ဖမ်းဆီးထားတဲ့ နွားတွေကို ၇ ရက်အတွင်း ပိုင်ရှင်က လာမရွေးရင် လေလံတင်ရောင်းချသွားမယ်လို့ သက်ဆိုင်ရာဌာနတွေက သတ်မှတ်ထားတယ်လို့ ဒေသခံတွေက ပြောပါတယ်။
လက်ရှိမှာတော့ ကောင်ကထောင်၊ လေယာဉ်ကွင်း၊ လုံးစွတ်၊ သုတ္တန်၊ မြို့မနဲ့ ဟိုခို စတဲ့ ပူတာအိုမြို့ပေါ် ရပ်ကွက်တွေမှာ ဖမ်းဆီးထားတဲ့ နွားတွေအတွက် နွားခြံတွေ သီးခြားပြုလုပ်ထားတယ်လို့ သိရပါတယ်။
မြို့တော် News Channel
ရုပ်သံ
ပြည်တွင်းသတင်း
၂၀၂၆ ခုနှစ် စက်တင်ဘာလ ၂၈ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
မွန်ပြည်နယ်၊ ဖားအောက်ကျေးရွာ အနောက်ဘက်ခြမ်းက မြေးအဖွား ၂ ယောက်တည်းနေတဲ့ နေအိမ်မှာ ဓားပြတိုက် လုယက်မှု ဖြစ်ပွားခဲ့တယ်လို့ သိရပါတယ်။
ပြည်တွင်းသတင်း
ရှမ်းပြည်နယ်အရှေ့ပိုင်း၊ တာချီလိတ်မြို့မှာ ရဲအယောင်ဆောင်ပြီး ထုရိုက်ခြိမ်းခြောက်ကာ ဆိုင်ကယ်လုယက်မှု ဖြစ်ပွားခဲ့ပြီး တရားခံတွေကို ဖမ်းဆီးရမိခဲ့တယ်လို့ သိရပါတယ်။
ပြည်တွင်းသတင်း
မန္တလေးတိုင်း၊ ချမ်းအေးသာစံမြို့နယ်မှာ လူငယ်တွေကို ပေါ်တာဆွဲဖမ်းဆီးပြီး ရောင်းစားဖို့ပြင်နေတဲ့ ပြည်သူ့စစ်အဖွဲ့ဝင် ၂ ဦးကို ရဲကဖမ်းဆီးပြီး အမှုဖွင့်ထားလို့ အာဏာသိမ်း စစ်တပ်ဘက်က မရမက ထုတ်ယူဖို့…