ဧရာဝတီတိုင်း၊ ရေကြည်မြို့နယ်မှာ ရေစီးနဲ့ မျောပါပျောက်ဆုံးသွားတဲ့ လူငယ်တဦးရဲ့ ရုပ်အလောင်းကို ဒီကနေ့ထိ ရှာဖွေနေကြပေမယ့် မတွေ့သေးဘူးလို့ သိရပါတယ်။
သြဂုတ် ၂၂ ရက်နေ့က ည ၇ နာရီ ၁၅ မိနစ်ခန့်က ရေကြည်မြို့၊ စဉ့်ကူးရပ်ကွက်မှာ မိုးသည်းထန်စွာ ရွာသွန်းပြီး ရေကြီးရေလျှံဖြစ်နေချိန် လူငယ်နှစ်ဦးဟာ ရေထဲကိုဖြတ်ကာ ဦးလေးဖြစ်သူရဲ့ နေအိမ်ကို သွားရောက်ရာက ရေစီးအတိုင်း မျောပါသွားခဲ့တာလို့ သိရပါတယ်။
"သူတို့ ဦးလေးအိမ်ကို ထမင်းစားသွားကြတာ။ လမ်းမှာ ရေစီးကသန်တော့ ၂ ယောက်လုံး ရေစီးထဲပါသွားတာ။ တယောက်ကိုတော့ ဝါးရုံပင်မှာ ငြိနေလို့ ပြန်ကယ်လိုက်နိုင်တယ်။ တယောက်ကတော့ အခုမနက်ထိ မတွေ့သေးဘူး" လို့ ဒေသခံတဦးက ပြောပါတယ်။
ဖြစ်စဥ် ဖြစ်ဖြစ်ချင်း ကယ်ဆယ်ရေးအဖွဲ့တွေနဲ့ ဒေသခံတွေ လိုက်လံကယ်ဆယ်ရာက လူငယ်တဦးကို ဝါးရုံပင်မှာ ဖက်တွယ်လျှက် အနေအထားနဲ့ ကယ်ဆယ်နိုင်ခဲ့ပေမယ့် ကျန်တဦးကိုတော့ ဒီကနေ့ မနက်ထိ လိုက်လံရှာဖွေနေဆဲ ဖြစ်တယ်လို့ သိရပါတယ်။
"ပျောက်နေတဲ့ ကလေးကတော့ ရုပ်အလောင်းပြန်ရဖို့အတွက် ရှာနေကြတုန်းပဲ၊ မိုးကလည်း တောက်လျောက်ရွာနေတာ။ ရေက အတက်အကျ မမှန်သေးဘူး" လို့ ဒေသခံတဦးက ပြောပါတယ်။
ဇူလိုင် ၃၀ က စတင်ကာ ရေကြည်မြို့နယ်မှာ ငဝန်းမြစ် တာကျိုးပေါက်ပြီး မြစ်ရေ မြင့်တက်လာလို့ ရေကြည်မြို့နယ် အပါအဝင် လေးမျက်နှာ၊ ငသိုင်းချောင်း၊ ဟင်္သာတ၊ ကျုံပျော်နဲ့ ကျောင်းကုန်း မြို့နယ်တွေမှာပါ ရေကြီးရေလျှံပြီး ရေနစ်မြုပ်မှုတွေ ဖြစ်ပေါ်ခဲ့တယ်လို့ သိရပါတယ်။
ငဝန်မြစ် တာကျိုးပေါက်မှုကို ပိတ်ဆို့ဖို့ Sheet Pile (သံချောင်း) ၂၈၆ ချောင်း ရိုက်သွင်းရမှာ ဖြစ်ပေမယ့် ဩဂုတ် ၁၉ ရက်နေ့အထိ ၇၈ ချောင်းသာ ရိုက်သွင်းနိုင်သေးတယ်လို့ အာဏာသိမ်းအစိုးရရဲ့ သတင်းထုတ်ပြန်ချက်အရ သိရပါတယ်။
မိုးလေဝသ
ဟိမဝန္တာဒေသ နီပေါနဲ့ တိဘက်မှာ ဩဂုတ် ၂၆ ရက်နေ့က ဖြစ်ပွားခဲ့တဲ့ ရေခဲမြစ်ပြိုကျမှုကြောင့် ရုတ်တရက် အလွန်ပြင်းထန်တဲ့ ရေကြီးမြေပြိုမှုတွေ ဖြစ်ပွားခဲ့ပြီး လူ ၂၇၃…
ပြည်တွင်းသတင်း
ဘားအံမြို့ သံလွင်မြစ်ရေဟာ မြို့ရဲ့ စိုးရိမ်ရေမှတ်အထက် ၂ ပေ ၉ လက်မ ကျော်လွန်ရောက်ရှိနေတယ်လို့ သိရပါတယ်။
ပြည်တွင်းသတင်း
နေပြည်တော်၊ ဇေယျာသီရိမြို့နယ်ရှိ အောက်ပေါင်းလောင်းရေလှောင်တမံမှာ ရေပြည့်အမှတ်သို့ ရောက်ရှိပြီးနောက် သြဂုတ်လ ၃၁ ရက် ဒီကနေ့ မနက် ၇ နာရီခန့်မှ စတင်ကာ ရေပိုလွှဲမှ…
ပြည်တွင်းသတင်း
ရှမ်းပြည်နယ်၊ မြောက်ပိုင်းမှာ ဖြစ်ပွားခဲ့တဲ့ ၁၀၂၇ စစ်ဆေးရေးမှာ ဖမ်းဆီးခံခဲ့ရတဲ့ အာဏာသိမ်း စစ်တပ် တပ်ဖွဲ့ဝင် ၁၀၀ ကျော် ကို ကိုးကန့်တပ် MNDAA…
