မြောက်ဒဂုံက အိမ်ဆောက်ပစ္စည်းဆိုင် အနုကြမ်းစီး လုယက်ခံရ၊ ဆိုင်ရှင်အမျိုးသား ဓားနဲ့ အခုတ်ရလို့ သေဆုံး
အောက်တိုဘာ ၆
ရန်ကုန်တိုင်း၊ ဒဂုံမြို့သစ်(မြောက်ပိုင်း)၊ မြောက်ဒဂုံမြို့နယ်၊ ၄၂ ရပ်ကွက်၊ ဦးဝိစာရလမ်းမပေါ်က အိမ်ဆောက်ပစ္စည်းဆိုင်မှာ အနုကြမ်းစီးပြီး လူသတ်မှု ဖြစ်ပွားခဲ့တယ်လို့ သိရပါတယ်။
အောက်တိုဘာ ၅ ရက်နေ့ မနေ့က နေ့လယ် ၁၂ နာရီခွဲဝန်းကျင်က အိမ်ဆောက်ပစ္စည်းဆိုင်နဲ့ တွဲလျှက်ဆောက်ထားတဲ့ နေအိမ်ကို အမည်မသိအမျိုးသား ၃ ဦးက ဝင်ရောက်ကာ အိမ်ရှင်ဖြစ်သူကို ဓားနဲ့ခုတ်ပြီး အနုကြမ်းစီး လုယက်မှု ဖြစ်ပွားခဲ့တာလို့ သိရပါတယ်။
“ဆိုင်နဲ့ အိမ် တွဲလျှက်ဖွင့်ထားတာ အိမ်က ဆိုင်အနောက်ဘက်မှာ။ လူ ၃ ယောက်က ဆိုင်ရှင်ကို ဓားနဲ့ခုတ်ပြီး ပစ္စည်းတွေယူသွားတာ။ ဆိုင်ရှင်ရဲ့ ဇနီးရောက်လာပြီး အော်ဟစ်အကူညီတောင်းတော့ ထွက်ပြေးသွားကြတယ်။ ဖြစ်တဲ့အချိန် အနားမှာ လူမရှိတာလည်းပါတယ်။ ဆိုင်ရှင်က လည်ပင်း သွေးလွှတ်ကြောပါ ပြတ်သွားတာ” လို့ ဦးဝိစာရလမ်းနေ ဒေသခံတဦးက ပြောပါတယ်။
အနုကြမ်းစီးတဲ့ အမျိုးသား ၃ ဦးထဲက တဦးဟာ ဆိုင်အပေါက်ဝမှာ အစောင့်သဘောနဲ့ ကျန်ခဲ့ပြီး ကျန် ၂ ဦးက ဆိုင်ရှင်အမျိုးသားကို ဓားနဲ့ခုတ်ခဲ့တာလို့ ဒေသခံတွေရဲ့ ပြောဆိုချက်အရ သိရပါတယ်။
“ဆိုင်ရှင်ရဲ့ မိန်းမက ဆိုင်ထဲဝင်တော့ အသင့်စောင့်နေတဲ့သူက ဆိုင်ရှင်ရဲ့ မိန်းမကို ထိုးကြိတ်ပြီး ဖမ်းချုပ်တာ။ ဆိုင်ရှင်ရဲ့ မိန်းမက ကြောက်လန့်ပြီး အော်ဟစ်အကူညီတောင်းတော့ အကုန်ထွက်ပြေးကြတာ” လို့ နောက်ထပ်ဒေသခံတဦးက ပြောပါတယ်။
ဓားခုတ်ခံရတဲ့ အသက် ၄၀ အရွယ် ဆိုင်ရှင်အမျိုးသားကို မြောက်ဥက္ကလာပဆေးရုံကို အရေးပေါ်ပို့ဆောင်ခဲ့ကြပေမယ့် ဆေးရုံရောက်ပြီး ၅ မိနစ်အကြာမှာ ရရှိထားတဲ့ ဒဏ်ရာတွေကြောင့် သေဆုံးသွားခဲ့တယ်လို့ လူမှုကူညီရေးအဖွဲ့တွေထံက သိရပါတယ်။
အနုကြမ်းစီး လုယက်တဲ့ အမျိုးသား ၃ ယောက်ကတော့ အခင်းဖြစ်ပွားရာ နေရာကနေ ထွက်ပြေးလွတ်မြောက်သွားခဲ့ပြီး လတ်တလောမှာ ဖမ်းဆီးရမိနိုင်ဖို့ လိုက်လံစုံစမ်းနေဆဲဖြစ်တယ်လို့ သိရပါတယ်။
မြို့တော် News Channel
ပြည်တွင်းသတင်း
ECMWF Model ရဲ့ ထုတ်ပြန်ချက်အရ အောက်တိုဘာလ ၁၂ ရက်နေ့မှာ ဘင်္ဂလားပင်လယ်အော်(တောင်ပိုင်း)နှင့် ကပ္ပလီပင်လယ်ပြင်(တောင်ပိုင်း)တို့မှာ လေဝဲလည်ပတ်မှု စတင်အားကောင်းလာပြီး လေပွေလှိုင်းတစ်ခု ဖြစ်ပေါ်လာနိုင်တယ်လို့ မိုးလေဝသ…
ရုပ်သံ
Daily NEWS
၂၀၂၆ ခုနှစ် အောက်တိုဘာလ ၆ ရက်နေ့အတွက် မြို့တော်ရဲ့ ညစဉ်သတင်းများ
ပြည်တွင်းသတင်း
မန္တလေး၊ ပုသိမ်ကြီးမြို့နယ်မှာ ဓားပြတိုက်ခံရတယ်လို့ အုပ်ချုပ်ရေးမှူးထံ လိမ်လည် တိုင်ကြားခဲ့တဲ့ အမျိုးသမီး ၂ ဦးကို ပုသိမ်းကြီးမြို့နယ်တရားရုံးက အလုပ်ကြမ်းနဲ့ ထောင်ဒဏ် ၆ လစီ…
ပြည်တွင်းသတင်း
ပဲခူးတိုင်း၊ သာယာဝတီမြို့နယ်၊ သာယာအေးကျေးရွာမှာ လိုင်းကြေးပေးပြီး နှစ်ရှည်လုပ်ကိုင်နေတဲ့ ဂျင်ဝိုင်းတွေကို အာဏာသိမ်းအစိုးရ လက်အောက်ခံ ရဲတပ်ဖွဲ့က ဝင်ရောက်ဖမ်းဆီးခဲ့တယ်လို့ သိရပါတယ်။
