အရေးပေါ်
နိုဝင်ဘာ ၁၁ ရက်နေ့ မြို့တော်ရဲ့ ညစဉ်သတင်းများ
ပြည်တွင်းသတင်း

နေအိမ်ကဆင်းသွားတဲ့ ဇနီးကို ပြန်သွားခေါ်ရာက စကားများပြီး ဓားထိုးမှုဖြစ်ကာ ဇနီးသည် သေဆုံး

၂၀၂၆ နိုဝင်ဘာ ၆ Myo Taw
နေအိမ်ကဆင်းသွားတဲ့ ဇနီးကို ပြန်သွားခေါ်ရာက စကားများပြီး ဓားထိုးမှုဖြစ်ကာ ဇနီးသည် သေဆုံး

နေအိမ်ကဆင်းသွားတဲ့ ဇနီးကို ပြန်သွားခေါ်ရာက စကားများပြီး ဓားထိုးမှုဖြစ်ကာ ဇနီးသည် သေဆုံး

နိုဝင်ဘာ ၆

တနင်္သာရီတိုင်း၊ ကော့သောင်းမြို့နယ်မှာ လင်မယားချင်း စကားများရာက လူသတ်မှုဖြစ်ခဲ့ပြီး ဇနီးဖြစ်သူ သေဆုံးခဲ့တယ်လို့ သိရပါတယ်။

နိုဝင်ဘာလ ၅ ရက် မနေ့က နေ့လယ်ပိုင်းမှာ ကော့သောင်းမြို့နယ်၊ အောင်သုခရပ်ကွက်၊ ကြေးနန်းကွင်း၊ စံပယ်(၂)လမ်း၊ နေအိမ်အမှတ်(၄၆၂/ဘီ)မှာ ဓားထိုးမှု ဖြစ်ခဲ့တယ်လို့ သိရပြီး ဇနီးဖြစ်သူကို ပြန်လည်ပေါင်းသင်းဖို့ ပြောဆိုရာက အခြေအတင်း စကားများကြရင်းနဲ့ ခုလိုလူသတ်မှု ဖြစ်ခဲ့တာလို့ ဆိုပါတယ်။

"နိုဝင်ဘာလ ၂ ရက်နေ့က လင်မယားချင်း စကားများပြီး မိန်းမဖြစ်တဲ့သူက အောင်သုခရပ်ကွက်က သူ့မိဘအိမ်ကို ကလေးခေါ်ပြီး ဆင်းသွားတာ၊ ၅ ရက်နေ့ မနက်မှာ သူ့ယောက်ျားက လိုက်ခေါ်တော့ တယောက်တခွန်း အချေအတင် ပြောကြရင်းနဲ့ သူ့ယောက်ျားက အနားက ဓားနဲ့ ကောက်ထိုးလိုက်တာ" လို့ ဒေသခံတဦးက ပြောပါတယ်။

သေဆုံးသူမှာ အသက် ၃၅ အရွယ် မခင်မာမာဌေး ဆိုသူဖြစ်ပြီး လူသတ်မှုကျူးလွန်သူဟာ အသက် ၃၆ အရွယ် အောင်မျိုးထွန်း (ခ) သားလေး ဖြစ်တယ်လို့ သိရပြီး အသက် ၃ နှစ်အရွယ် သမီးရှိတယ်လို့ သိရပါတယ်။

လတ်တလောမှာ သေဆုံးသူရုပ်အလောင်းကို ကော့သောင်းမြို့နယ် ပြည်သူ့ဆေးရုံကြီးကို ပို့ဆောင်ထားတယ်လို့ သိရပြီး လူသတ်မှုကျူးလွန်သူ အမျိုးသားကိုတော့ ကော့သောင်းမြို့မရဲစခန်းက အမှုဖွင့်လှစ် အရေးယူထားတယ်လို့ သိရပါတယ်။

မြို့တော် News Channel

ဓာတ်ပုံများ (1)

ဆက်စပ် သတင်းများ