နေအိမ်ကဆင်းသွားတဲ့ ဇနီးကို ပြန်သွားခေါ်ရာက စကားများပြီး ဓားထိုးမှုဖြစ်ကာ ဇနီးသည် သေဆုံး
နိုဝင်ဘာ ၆
တနင်္သာရီတိုင်း၊ ကော့သောင်းမြို့နယ်မှာ လင်မယားချင်း စကားများရာက လူသတ်မှုဖြစ်ခဲ့ပြီး ဇနီးဖြစ်သူ သေဆုံးခဲ့တယ်လို့ သိရပါတယ်။
နိုဝင်ဘာလ ၅ ရက် မနေ့က နေ့လယ်ပိုင်းမှာ ကော့သောင်းမြို့နယ်၊ အောင်သုခရပ်ကွက်၊ ကြေးနန်းကွင်း၊ စံပယ်(၂)လမ်း၊ နေအိမ်အမှတ်(၄၆၂/ဘီ)မှာ ဓားထိုးမှု ဖြစ်ခဲ့တယ်လို့ သိရပြီး ဇနီးဖြစ်သူကို ပြန်လည်ပေါင်းသင်းဖို့ ပြောဆိုရာက အခြေအတင်း စကားများကြရင်းနဲ့ ခုလိုလူသတ်မှု ဖြစ်ခဲ့တာလို့ ဆိုပါတယ်။
"နိုဝင်ဘာလ ၂ ရက်နေ့က လင်မယားချင်း စကားများပြီး မိန်းမဖြစ်တဲ့သူက အောင်သုခရပ်ကွက်က သူ့မိဘအိမ်ကို ကလေးခေါ်ပြီး ဆင်းသွားတာ၊ ၅ ရက်နေ့ မနက်မှာ သူ့ယောက်ျားက လိုက်ခေါ်တော့ တယောက်တခွန်း အချေအတင် ပြောကြရင်းနဲ့ သူ့ယောက်ျားက အနားက ဓားနဲ့ ကောက်ထိုးလိုက်တာ" လို့ ဒေသခံတဦးက ပြောပါတယ်။
သေဆုံးသူမှာ အသက် ၃၅ အရွယ် မခင်မာမာဌေး ဆိုသူဖြစ်ပြီး လူသတ်မှုကျူးလွန်သူဟာ အသက် ၃၆ အရွယ် အောင်မျိုးထွန်း (ခ) သားလေး ဖြစ်တယ်လို့ သိရပြီး အသက် ၃ နှစ်အရွယ် သမီးရှိတယ်လို့ သိရပါတယ်။
လတ်တလောမှာ သေဆုံးသူရုပ်အလောင်းကို ကော့သောင်းမြို့နယ် ပြည်သူ့ဆေးရုံကြီးကို ပို့ဆောင်ထားတယ်လို့ သိရပြီး လူသတ်မှုကျူးလွန်သူ အမျိုးသားကိုတော့ ကော့သောင်းမြို့မရဲစခန်းက အမှုဖွင့်လှစ် အရေးယူထားတယ်လို့ သိရပါတယ်။
မြို့တော် News Channel
ရုပ်သံ
ပြည်တွင်းသတင်း
နိုဝင်ဘာ ၁၁ ရက်နေ့ မြို့တော်ရဲ့ ညစဉ်သတင်းများ ၂၀၂၆ ခုနှစ် နိုဝင်ဘာ ၁၁ ရက်နေ့အတွက် မြို့တော်ရဲ့ ညစဉ်သတင်းများ
ရုပ်သံ
ပြည်တွင်းသတင်း
ကထိန်အတွက် ပစ္စည်းပို့ပြီးပြန်လာတဲ့သုံးဘီး တံတားအဆင်းမှာပြုတ်ကျလို့ ၂ ဦးသေဆုံးတဲ့သတင်းနှင့်အတူ မြို့တော်ရဲ့နေ့လယ်ခင်းသတင်းတင်ဆက်မှု ၂၀၂၆ ခုနှစ် နိုဝင်ဘာလ ၁၁ ရက်နေ့သတင်းများ နားဆင်နိုင်ပါပြီ
ရုပ်သံ
ပြည်တွင်းသတင်း
နိုဝင်ဘာ ၁၀ ရက်နေ့ မြို့တော်ရဲ့ ညစဉ်သတင်းများ ၂၀၂၆ ခုနှစ် နိုဝင်ဘာ ၁၀ ရက်နေ့အတွက် မြို့တော်ရဲ့ ညစဉ်သတင်းများ
ရုပ်သံ
ပြည်တွင်းသတင်း
ဓါး နဲ့ ခုတ်ပြီး ဖုန်းနှင့် ဆိုင်ကယ်တွေ လုယက်မှု ၁၄ မှု ကျုးလွန်သူတွေကို ဖမ်းဆီးရမိပြီလို့ဆိုတဲ့ သတင်းနှင့်အတူ မြို့တော်ရဲ့ နေ့လယ်ခင်းသတင်း တင်ဆက်မှု…
