ရန်ကုန်မှာ အသက်မပြည့်သေးတဲ့ ကလေးသူခိုးတွေ ပေါများလာ

ရန်ကုန်မှာ အသက်မပြည့်သေးတဲ့ ကလေးသူခိုးတွေ ပေါများလာ

အောက်တိုဘာ ၁၉

ရန်ကုန်မြို့၊ လှိုင်သာယာမြို့နယ်၊ ကျန်စစ်မင်းအိမ်ရာထဲက တိုက်ခန်းတွေက ပစ္စည်းတွေကို အသက်မပြည့်သေးတဲ့ ကလေးသူခိုးတယောက်က လိုက်လံခိုးယူနေတယ်လို့ ဒေသခံတွေက CCTV မှတ်တမ်းတွေနဲ့တကွ ဖော်ပြလာပါတယ်။

“တိုက်ပေါ်ထိ တက်ခိုးတဲ့ ဝါရင့်ကလေးသူခိုး ဖြစ်ပါတယ်။ လှိုင်သာယာ ကျန်စစ်မင်းမှာ တိုက်တွေကို လှည့်လည်ပြီး စက်ဘီးတွေ လိုက်ခိုးနေပါတယ်ရှင့်။ အခု သူခိုးသွားတာ ကျွန်မဘီးပါရှင့်၊ ကျွန်မပြီးရင် သူများအလှည့်ရောက်မှာစိုးလို့ အများသိစေရန် CCTV မှတ်တမ်း တင်ပေးလိုက်ပါတယ်။ Video ကို share ပေးခြင်းဖြင့် လူများကို ကူညီနိုင်ပါတယ်ရှင့်” ဆိုပြီး စက်ဘီးအခိုးခံရသူ အမျိုးသမီးတဦးက လူမှုကွန်ယက်စာမျက်နှာမှာ ပြောဆိုထားပါတယ်။

မင်းအောင်လှိုင်ရဲ့ အာဏာသိမ်းအစိုးရလက်ထပ်မှာ ကျောင်းနေအရွယ်ကလေးငယ်တွေပါ ခိုးဆိုးလုယက်မှုတွေ ကျူးလွန်လာနေပြီး ရန်ကုန်အပါအဝင် မြို့ကြီးတွေက လုယက်သတ်ဖြတ်မှုတွေမှာ ကလေးငယ်တွေ အများဆုံး ပါဝင်နေတာကို တွေ့ရပါတယ်။

ပြီးခဲ့တဲ့ရက်ပိုင်းက ပခုက္ကူမြို့က အိမ်ဆောက်ပစ္စည်းဆိုင် ဓားပြတိုက်ခံရမှုမှာလည်း ကျူးလွန်သူတွေထဲမှာ ၈ တန်းကျောင်းသားတဦး ပါဝင်ခဲ့တယ်လို့ သိရပါတယ်။

မြို့တော် News Channel