၄ ရက်ကြာ ပျောက်ဆုံးနေတဲ့ စိတ်ဝေဒနာရှင် အမျိုးသား ရုပ်အလောင်းအဖြစ် ရေတွင်းထဲမှာ ပြန်တွေ့
အောက်တိုဘာ ၂၄
ထားဝယ်မြို့နယ်၊ ကဒင်ဝကျေးရွာမှာ ၄ ရက်ကြာ ပျောက်ဆုံးနေတဲ့ စိတ်ဝေဒနာရှင် လူငယ်တဦးရဲ့ ရုပ်အလောင်းကို ရွာအပြင်က ရေတွင်းထဲမှာ တွေ့ရှိခဲ့ကြတယ်လို့ သိရပါတယ်။
အောက်တိုဘာလ ၁၈ ရက်နေ့က နေအိမ်ကနေ ထွက်သွားပြီးနောက် ပျောက်နေခဲ့တာလို့ သိရပြီး အောက်တိုဘာလ ၂၂ ရက်နေ့ ညနေ ၄ နာရီဝန်းကျင်မှာ ရွာအပြင်က ရေတွင်းပျက်ထဲ အပုတ်နံ့ထွက်လာလို့ သွားကြည့်ရာက တွေ့ခဲ့ကြရတာလို့ သိရပါတယ်။
“ရွာကအစ်မတယောက်က ရေတွင်းနားက ဖြတ်သွားတာ၊ အနံ့ထွက်နေလို့ အထဲငုံ့ကြည့်တော့ အလောင်းကိုတွေ့တာ” လို့ ကျေးရွာဒေသခံတဦးက ပြောပါတယ်။
သေဆုံးတဲ့လူငယ်ဟာ ကဒင်ဝကျေးရွာမှာ နေထိုင်တဲ့ အသက် ၃၆ နှစ်အရွယ် ကိုသူရဇော် ဆိုသူဖြစ်ပြီး လွန်ခဲ့တဲ့ ၁၀ နှစ်ဝန်းကျင်က စတင်ကာ စိတ်ဝေဒနာ ခံစားနေရသူ ဖြစ်တယ်လို့လည်း သိရပါတယ်။
သေဆုံးသူရဲ့ ရုပ်အလောင်းကို ထားဝယ်မြို့ဆေးရုံကြီး ရင်ခွဲရုံကို တနင်္သာရီတိုင်း အရေးပေါ်ကယ်ဆယ်ရေးအဖွဲ့က ပို့ဆောင်ပေးခဲ့တယ်လို့ သိရပြီး ရင်ခွဲရုံကတဆင့် ကဒင်ဝကျေးရွာ သုသာန်ကို ပြန်သယ်ကာ ဓလေ့ထုံးစံအတိုင်း သင်္ဂြိုဟ်ခဲ့ကြတယ်လို့ သိရပါတယ်။
မြို့တော် News Channel
ပြည်တွင်းသတင်း
မိခင်ဖြစ်သူ ဒေါ်အောင်ဆန်းစုကြည်ရဲ့ အသံကို ၅ နှစ်ကျော်ကြာမှ ပြန်ကြားခွင့်ရခဲ့ပေမဲ့ မိခင်ရဲ့ လက်ရှိအခြေအနေဟာ ပြောင်းလဲမှုမရှိသေးဘူးလို့ ဒေါ်အောင်ဆန်းစုကြည်ရဲ့ သားဖြစ်သူ ကိုထိန်လင်း (ခေါ်) ကင်မ်အဲရစ်…
ပြည်တွင်းသတင်း
အာဏာသိမ်းစစ်တပ်ကို တစိုက်မတ်မတ် ထောက်ခံခဲ့ဖူးသူ ပြည်သူ့ကျောင်းသား ငြိမ်းချမ်းရေးအဖွဲ့ (PPSA) ခေါင်းဆောင် စိုးသန်းနိုင်ကို ဆက်သွယ်ရေးဥပဒေပုဒ်မ ၆၆(ဃ) နဲ့ ဖမ်းဝရမ်းထုတ်ခဲ့ပြီးနောက် တရားမဝင် လက်နက်ကိုင်ဆောင်မှု၊…
ပြည်တွင်းသတင်း
ရန်ကုန်နဲ့ မန္တလေးမြို့တွေမှာ စစ်မှုထမ်းအတွက် လူငယ်တွေကို ပေါ်တာဆွဲဖမ်းဆီးတာတွေ ဆက်တိုက်ဖြစ်ပွားနေပြီး မန္တလေးမှာ တက္ကသိုလ်ကျောင်းသားတဦး ဖမ်းဆီးခံရသလို ရန်ကုန်မှာလည်း Smart Card နဲ့ Passport…
ပြည်တွင်းသတင်း
ပဲခူးမြို့၊ ဥဿာမြို့သစ်နယ်မြေ၊ ဥဿာမြို့သစ်(၉)ရပ်ကွက်ရှိ ပဲခူးကနေ ရန်ကုန်ဘက်ကိုထွက်တဲ့ လာဂမိုတိုးလ်ဂိတ်မှာ ယာဉ် ၃ စီးဆင့်တိုက်မှု ဖြစ်ပွားခဲ့တယ်လို့ သိရပါတယ်။
