မြစ်ကြီးနား-ဗန်းမော်လမ်းမပေါ်က တံတား ၂ စင်းကို ဂျက်ဖိုက်တာနဲ့ ဗုံးကြဲဖျက်ဆီး
အောက်တိုဘာ ၂၃
ကချင်ပြည်နယ်၊ မြစ်ကြီးနား-ဗန်းမော်လမ်းမပေါ်ရှိ တံတား ၂ စင်းကို အာဏာသိမ်းစစ်တပ်က လေကြောင်းကနေ ဗုံးကြဲဖျက်ဆီးခဲ့တယ်လို့ ဒေသတွင်းသတင်းအရင်းမြစ်ထံက သိရပါတယ်။
အောက်တိုဘာလ ၂၃ ရက် ဒီကနေ့ မနက် ၁၀ နာရီဝန်းကျင်ခန့်မှာ မြစ်ကြီးနား-ဗန်းမော် လမ်းမပေါ်က မိုးမောက်မြို့နယ်အနီး မြို့သစ်တံတားကို တံတားဦးလေတပ်က တက်လာတဲ့ ဂျက်ဖိုက်တာနဲ့ ဗုံးကြဲဖျက်ဆီးခဲ့တာဖြစ်တယ်လို့ သိရပါတယ်။
အဆိုပါတံတားဟာ အများပြည်သူတွေ သွားလာနေတဲ့တံတားဖြစ်ပြီး ဗုံးကြဲတိုက်ခိုက်မှုကြောင့် တံတားအဟောင်းမှာ လုံးဝပျက်စီးသွားခဲ့ပြီး တံတားအသစ်ကတော့ ကားတွေသွားလာလို့မရအောင် ပျက်စီးသွားခဲ့ကာ ဆိုင်ကယ်တွေသာ ဖြည်းဖြည်းချင်း သွားလာလို့ရတော့တယ်လို့ သိရပါတယ်။
၂၀၂၄ ဩဂုတ်လမှာ KIA နဲ့ပူးပေါင်းတပ်တွေဟာ မိုးမောက်မြို့နယ်တခုလုံးကို အပြီးသတ် သိမ်းပိုက်ခဲ့တာဖြစ်ပြီး လတ်တလောမှာ အာဏာသိမ်းစစ်တပ်က ကချင်ပြည်နယ် ဗန်းမော်-မံစီလမ်းကြောင်းကို ထိုးစစ်ဆင်နေတာကြောင့် တိုက်ပွဲတွေဖြစ်ပွားနေပြီး လေကြောင်းတိုက်ခိုက်တာတွေပါ ပြုလုပ်နေတာကြောင့် အရပ်သားပြည်သူတွေ ထိခိုက်သေဆုံးမှုတွေရှိနေတယ်လို့လည်း သိရပါတယ်။
မြို့တော် News Channel
ပြည်တွင်းသတင်း
ရခိုင်ပြည်နယ်၊ စစ်တွေမြို့ မြို့လယ်ခေါင်မှာ လူစည်ကားချိန် ဗုံး ၂ လုံး ကျရောက်ပေါက်ကွဲလို့ အရပ်သားပြည်သူ ၅ ဦးထက်မနည်း သေဆုံးနိုင်တယ်လို့ သိရပါတယ်။
ပြည်တွင်းသတင်း
လားရှိုးမြို့မှာ ဖယောင်းတိုင်မီးနဲ့ ဘုရားမီးပူဇော်ရာကနေ နေအိမ်မီးလောင်မှု ဖြစ်ပွားခဲ့တယ်လို့ သိရပါတယ်။
ပြည်တွင်းသတင်း
မြဝတီမြို့မှာ ပျောက်ဆုံးနေတဲ့ ဆိုင်ကယ်အငှားလိုက်မောင်းသူ အသက် ၂၄ နှစ်အရွယ်ရှိ မောင်ဖြိုးကို အောက်တိုဘာလ ၂၂ ရက် မနေ့က မွန်းလွဲပိုင်းမှာ ဒဏ်ရာတွေနဲ့ သေဆုံးလျက်…
ပြည်တွင်းသတင်း
အာဏာသိမ်း စစ်တပ်ထိန်းချုပ်ထားတဲ့ လားရှိုးမြို့ပေါ်က ဆောက်လုပ်ရေးပစ္စည်း အရောင်းဆိုင်တဆိုင် ဓားပြတိုက်ခံခဲ့ရတယ်လို့ သိရပါတယ်။
