တောင်ကြီးမြို့မှာ Power Bank အားသွင်းရာမှ အပူလွန်ကဲပြီး မီးလောင်မှုဖြစ်ပွားခဲ့

တောင်ကြီးမြို့မှာ Power Bank အားသွင်းရာမှ အပူလွန်ကဲပြီး မီးလောင်မှုဖြစ်ပွားခဲ့

အောက်တိုဘာ ၅

ရှမ်းပြည်နယ်(တောင်းပိုင်း)၊ တောင်ကြီးမြို့၊ ကျောင်းကြီးစုရပ်ကွက်မှာ အောက်တိုဘာလ ၅ ရက် ဒီကနေ့ မနက် ၄ နာရီ ၃၅ မိနစ်ခန့်က လူနေအိမ်တစ်လုံး မီးလောင်မှု ဖြစ်ပွားခဲ့တယ်လို့ သိရပါတယ်။

ကျောင်းကြီးစုရပ်ကွက်၊ နယ်မြေ ၁၃ အိမ်အမှတ် (မ-၁၃/၄၁) ၊ ၁၈ ပေ ၁၅ ပေ သွပ်မိုး ပျဉ်ခင်း၊ နံကပ် ၂ ထပ် အိမ်အပေါ်ထပ်မှာ Power Bank အားသွင်းရာမှ အပူလွန်ကဲပြီး မီးလောင်မှု ဖြစ်ပွားခဲ့တာလို့ သိရပါတယ်။

အဆိုပါမီးလောင်မှု ဖြစ်စဉ်ကို ခရိုင်စခန်းမှ မီးငြိမ်းသတ်ယာဉ် ၂ စီး၊ မြို့နယ်စခန်းမှ မီးသတ်ကား၂ စီး၊ ရေသယ်ယာဉ် ၁ စီး၊ မီးသတ်တပ်ဖွဲ့ဝင် ၃၆ ဦး၊ အရန် ၄ ဦး တို့က မနက် ၄ နာရီ ၄၀ မိနစ်မှာ စတင်ထွက်ခွါခဲ့ပြီး မီးငြိမ်းသတ်ခဲ့တယ်လို့ သိရပါတယ်။

အဆိုပါ မီးလောင်မှုကြောင့် ၁၈ ပေ ၁၅ ပေ သွပ်မိုး ပျဉ်ခင်း၊ နံကပ် ၂ ထပ် လူနေအိမ်တစ်လုံး မီးလောင် ပျက်စီးခဲ့ပြီး လူနှင့် တိရစ္ဆာန် ထိခိုက်သေဆုံးမှု မရှိခဲ့ဘူးလို့ သိရပါတယ်။

မြို့တော် News Channel