နေပြည်တော်ရှိ အောက်ပေါင်းလောင်း ရေလှောင်တမံ ရေပြည့်အမှတ်သို့ ကျော်လွန်ရောက်ရှိနေပြီး ရေပိုလွှဲမှ စတင်ရေကျော်နေ

နေပြည်တော်ရှိ အောက်ပေါင်းလောင်း ရေလှောင်တမံ ရေပြည့်အမှတ်သို့ ကျော်လွန်ရောက်ရှိနေပြီး ရေပိုလွှဲမှ စတင်ရေကျော်နေ

ဩဂုတ် ၃၁

နေပြည်တော်၊ ဇေယျာသီရိမြို့နယ်ရှိ အောက်ပေါင်းလောင်းရေလှောင်တမံမှာ ရေပြည့်အမှတ်သို့ ရောက်ရှိပြီးနောက် သြဂုတ်လ ၃၁ ရက် ဒီကနေ့ မနက် ၇ နာရီခန့်မှ စတင်ကာ ရေပိုလွှဲမှ ရေကျော်နေပြီ ဖြစ်တယ်လို့ သိရပါတယ်။

ရေပိုလွှဲမှ ရေကျော်နေပြီဖြစ်ပေမယ့် ရေဝင်ရောက်မှု အခြေအနေပေါ် မူတည်ပြီး စနစ်တကျ ထိန်းညှိထုတ်လွှတ်ပေးနေတဲ့အတွက် ပေါင်းလောင်းမြစ်တလျှောက် ရေကြီးရေလျှံမှုအတွက် စိုးရိမ်စရာ မလိုသေးကြောင်းလည်း ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနက ထုတ်ပြန်ထားပါတယ်။

သြဂုတ်လ ၃၁ ရက် ဒီကနေ့ မနက် ၈ နာရီ ၄၅ မိနစ်အချိန်ခန့်က ရေပိုလွှဲမှ ရေကျော်လွန် စီးဆင်းမှုဟာ ၂,၀၅၀ ကုဗပေ/စက္ကန့် ရေကျော်စီးဆင်းနေပြီး ၂၀၂၄ ခုနှစ်မှာ စံချိန်တင်အဖြစ် အများဆုံး စီးဆင်းခဲ့တဲ့ ၅၆,၆၈၁ ကုဗပေ/စက္ကန့် နှင့် နှိင်းယှဉ်ပါက ယခုရေကျော်စီးဆင်းမှု အခြေအနေဟာ အလွန်နည်းပါးတဲ့ အခြေအနေဖြစ်တယ်လို့ ဆိုပါတယ်။

ဒါ့အပြင် ဆည်တမံနှင့် ရေပိုလွှဲတို့ရဲ့ ကြံ့ခိုင်မှုဟာ ကောင်းမွန်တဲ့ အခြေအနေမှာ ရှိနေပြီး ရေဝင်ရောက်မှု အခြေအနေပေါ် မူတည်ပြီး စနစ်တကျ ထိန်းညှိထုတ်လွှတ်ပေးနေသလို အချိန်နှင့် တပြေးညီ အသိပေးသွားမယ်လို့လည်း ထုတ်ပြန်ထားပါတယ်။

မြို့တော် News Channel