နားမခေါ်ရွာအနီး စစ်တပ်ဂိတ်က ကားတစီး ကျပ် ၂ သိန်းစီတောင်းနေလို့ ခရီးသွားကားတွေ အခက်တွေ့နေတယ်လို့ဆို
အောက်တိုဘာ ၁၀
ရှမ်းပြည်နယ်၊ သီပေါ-မိုင်းကိုင်လမ်းမပေါ်က နားမခေါ်ရွာအနီး စစ်ဆေးရေးဂိတ်မှာ အိမ်စီးကားတွေနဲ့ ကုန်ကားတွေကို စစ်ဆေးရေးဂိတ်ဖြတ်ခ သိန်းချီတောင်းနေတာကြောင့် ဖြတ်သန်းသွားလာတဲ့ ခရီးသွားကားတွေအဖို့ အခက်တွေ့နေရတယ်လို့ သိရပါတယ်။
သီပေါ-မိုင်းကိုင်လမ်းမပေါ် နားမခေါ်ရွာအနီးက အာဏာသိမ်းစစ်တပ်ဂိတ် ၂ ခုက ဖြတ်သန်းသွားလာတဲ့ အိမ်စီးကားတွေကို တစီး ကျပ် ၂ သိန်းကနေ ၃ သိန်းဝန်းကျင်ထိ တောင်းတတ်ပြီး မပေးနိုင်ပါက ပါလာတဲ့ကုန်တွေကို ထားခဲ့ခိုင်းတယ်လို့ သိရပါတယ်။
"နမ့်လန်မရောက်ခင် နားမခေါ်ရွာနား ဂိတ် ၂ ခုက အတက်လမ်းကိုမတောင်းဘူး၊ အပြန်အဆင်းကို တောင်းတာ၊ အိမ်သုံးပစ္စည်းတွေသယ်လာရင် တစီးကို ၂ သိန်းကစတောင်းတာ၊ မပေးရင်း ပါလာတာတွေ အကုန်ထားခဲ့ရတာ၊ ဂိတ်တွေကိုပိုင်တဲ့ တရုတ်တွေရဲ့ Without ကားတွေကတော့ လက်ပြပြီး သွားချင်တိုင်းသွားလို့ရနေတယ်" လို့ ကားသမားတဦးက ပြောပါတယ်။
သီပေါ-မိုင်းကိုင်လမ်းပေါ်မှာ အာဏာသိမ်းစစ်တပ်ရဲ့ စစ်ဆေးရေးဂိတ်တွေ ၃ ခုဖြစ်တဲ့ နောင်ဝူးဂိတ်၊ နားမခေါ်အနီးက စစ်ဆေးရေးဂိတ်နဲ့ နမ့်လန်လမ်းခွဲက စစ်ဆေးရေးဂိတ်တို့ ၃ ခု သာရှိတော့တယ်လို့ သိရပြီး နာမည်ဆိုးနဲ့ကျော်ကြားခဲ့တဲ့ မန္တလေးဘက်ကိုဆင်းတဲ့ ဝက်ဝံဂိတ်မှာတော့ မူးယစ်စစ်ဆေးတဲ့ရဲတွေသာ ရှိတော့တယ်လို့ သိရပါတယ်။
မြို့တော် News Channel
ပြည်တွင်းသတင်း
ဧရာဝတီတိုင်း၊ မြန်အောင်မြို့နယ်ထဲက မမြဆည်ရဲ့ ဆည်ထိန်းတာဘောင် အိကျခဲ့လို့ အနီးဝန်းကျင်က ကျေးရွာတွေ ညတွင်းချင်း ဘေးလွတ်ရာကို အရေးပေါ် ရွေ့ပြောင်းခဲ့ရတယ်လို့ သိရပါတယ်။
ပြည်တွင်းသတင်း
ရန်ကုန်တိုင်း၊ ကျောက်တန်းမြို့နယ်၊ ကမာကလုတ် စံပြကျေးရွာမှာ အိမ်ပေါ်တက်လာတဲ့ခွေးကို လေးဂွနဲ့ ပစ်ခတ်သူကို ရဲကဖမ်းဆီးရိုက်နှက်ရာက လက်လွန်ပြီး သေဆုံးသွားခဲ့တယ်လို့ သိရပါတယ်။
ပြည်တွင်းသတင်း
ရန်ကုန်မြို့တွင်းရှိ Grab Food Rider တွေရဲ့ အစားအသောက် ပို့ဆောင်ခ (Deli ခ) တွေကို အောက်တိုဘာလ ၉ ရက် ညနေ…
ပြည်တွင်းသတင်း
လူမှုကွန်ယက်မှာ အာဏာသိမ်းစစ်တပ်ရဲ့ အရာရှိတွေအဖြစ် ဟန်ဆောင်ပြီး စစ်မှုထမ်း ပေါ်တာဆွဲဖမ်းဆီးခံရသူတွေကို ပြည်လည်ထုတ်ပေးမယ်လို့ဆိုကာ ငွေကြေးလိမ်လည်ခဲ့သူ ၃ ဦးကို ဖမ်းဆီးလိုက်တယ်လို့ သိရပါတယ်။
