ကရင်ပြည်နယ်၊ ကြာအင်းဆိပ်ကြီးမြို့နယ်၊ လှိုင်ကနီကျေးရွာအနီးမှာ ခရီးသယ် ၁၁ ဦး စီးနင်းလိုက်ပါလာတဲ့ စက်လှေ ၁ စီး တိမ်းမှောက်မှု ဖြစ်ပွားခဲ့တယ်လို့ သိရပါတယ်။
ဩဂုတ်လ ၂၁ ရက်နေ့ မနက် ၉ နာရီခန့်က ကြာအင်းဆိပ်ကြီးမြို့နယ်၊ လှိုင်ကနီကျေးရွာအနီးက အင်းတခုကို ဖြတ်သန်းနေချိန် စက်လှေတိမ်းမှောက်မှု ဖြစ်ပွားခဲ့တာလို့ သိရပြီး လှေပေါ်ပါသူ ၁၁ ဦးလုံးကို ခက်ခက်ခဲခဲ ကယ်ဆယ်ခဲ့ရတယ်လို့ သိရပါတယ်။
"ဘုရားသုံးဆူဘက်ကို သွားတဲ့သူတွေပါ၊ မုဒုံ-အဘစ်-ဘုရားသုံးဆူလမ်းပေါ် ရေကြီးနေတော့ လှိုင်ကနီရွာနား ကားတွေထားပြီး လှေနဲ့သွားကြတာ၊ လှေကသေးပြီး လူများတော့ ရေထဲထိုးကျသွားတာ" လို့ ဒေသခံတဦးက ပြောပါတယ်။
စက်လှေတိမ်းမှောက်ခဲ့တာကြောင့် စက်လှေပေါ်ပါ ခရီးသည် ၁၁ ဦးကို ဒေသခံတွေက ခက်ခက်ခဲခဲ ကယ်ဆယ်ခဲ့တာကြောင့် လူသေဆုံးမှု မရှိခဲ့ပေမယ့် စက်လှေပေါ်ပါတဲ့ ခရီသည်တွေရဲ့ အိတ်တွေနဲ့ ဖုန်းတွေအပါအဝင် တန်ဖိုးကြီးပစ္စည်းတွေ ရေထဲနစ်မြုပ် ဆုံးရှုံးသွားခဲ့တယ်လို့ သိရပါတယ်။
မုဒုံ-အဘစ်-ဘုရားသုံးဆူ ကားလမ်းပေါ်မှာ မိုးသည်းထန်စွာ ရွာသွန်းပြီး ရေကျော်နေတာကြောင့် ခရီးသွားကားတွေ ဖြတ်သန်းသွားလာဖို့ အခက်အခဲဖြစ်နေပြီး လှိုင်ကနီကျေးရွာမှာ ခရီးသွားကား ၂၀ ကျော်နဲ့ လူဦးရေ ၂၀၀ နီးပါး ပိတ်မိနေတယ်လို့ သိရပါတယ်။
ဩဂုတ် ၂၉ ရက်နေ့ မြို့တော်ရဲ့ ညစဉ်သတင်းများ ၂၀၂၆ ခုနှစ် ဩဂုတ်လ ၂၉ ရက်နေ့အတွက် မြို့တော်ရဲ့ ညစဉ်သတင်းများ
မှုခင်းသတင်း
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့မှာ ဘိန်းစာရွက်ပြုတ်ရည် သုံးစွဲသူ များနေပြီး အများစုက ဆယ်ကျော်သက်လူငယ်တွေ ဖြစ်နေလို့ ဖမ်းဆီးမှုတွေ လုပ်နေရတယ်လို့ သိရပါတယ်။
ပြည်တွင်းသတင်း
ကချင်ပြည်နယ်၊ မြစ်ကြီးနားမြို့မှာ လမ်းပန်းဆက်သွယ်ရေး အခက်အခဲတွေနဲ့ စစ်ရေးပြဿနာတွေကြောင့် ART ဆေး သောက်သုံးနေရသူတွေ ဆေးဆက်မသောက်နိုင်ကြတော့သလို ဆေးရုံကြီးကလည်း ART ဆေးကို ၁၀ ရက်စာသာ ပေးနိုင်တော့တယ်လို့…
ပြည်တွင်းသတင်း
မွန်ပြည်နယ်၊ ပေါင်မြို့နယ်မှာ ကျောင်းဆရာမ ၁ ဦး အပါအဝင် ကျေးရွာက ဒေသခံ ၅ ဦး ထက်မနည်းကို ခွေးရူးတကောင်က လိုက်ကိုက်လို့ ဆေးရုံတင်ပြီး ကုသထားရတယ်လို့…
