မြို့နယ် ၄ ခုဆုံရာ ပီချောင်းဆုံကို အာဏာသိမ်းစစ်တပ်က ဂျက်ဖိုက်တာ ၂ စင်း၊ Y-12 တစ်စင်းနဲ့ ဗုံးကြဲလို့ နို့စို့အရွယ်ကလေးအပါ ၈ ဦးသေဆုံး

မြို့နယ် ၄ ခုဆုံရာ ပီချောင်းဆုံကို အာဏာသိမ်းစစ်တပ်က ဂျက်ဖိုက်တာ ၂ စင်း၊ Y-12 တစ်စင်းနဲ့ ဗုံးကြဲလို့ နို့စို့အရွယ်ကလေးအပါ ၈ ဦးသေဆုံး

အောက်တိုဘာ ၁၉

ချင်းပြည်နယ်၊ ပလက်ဝမြို့နယ်၊ ပီချောင်းဆုံ လေကြောင်းတိုက်ခိုက်ခံခဲ့ရပြီး သေဆုံးသူ ၈ ဦးထိရှိခဲ့တယ်လို့ သိရပါတယ်။

အောက်တိုဘာလ ၁၈ ရက် နေ့လယ်ပိုင်းက တံတားဦးလေတပ်ကတက်လာတဲ့ ဂျက်ဖိုက်တာ ၂ စင်းက ပီချောင်းဆုံကို ဗုံးသီး ၄ လုံး ကြဲချတိုက်ခိုက်ခဲ့ပြီနောက် Y-12 လေယာဉ်တစင်းနဲ့ ထပ်မံကာ ဗုံးသီး အလုံး ၂၀ ကျော် ကြဲချတိုက်ခိုက်သွားခဲ့တယ်လို့ သိရပါတယ်။

"သေတဲ့သူအကုန်လုံးက အလုပ်သမားမိသားစုတွေပါ၊ သာမန်မိသားစုတွေပါ၊ သေတဲ့အထဲ နို့စို့အရွယ် ကလေးတယောက်လည်းပါတယ်၊ အိမ်တွေပျက်စီးတယ်၊ လူသေတာ ၈ ယောက်ပါ၊ မနက် ၉ နာရီလောက်ကတည်းက ကင်းထောက်လေယာဥ်ဝဲတယ်၊ ပြီးမှခုလိုလာကြဲတာ" လို့ ဒေသခံတဦးက ပြောပါတယ်။

ဗုံးကြဲချတိုက်ခိုက်ခံရလို့ သေဆုံးသူတွေဟာ အမျိုးသား ၄ ဦး၊ အမျိုးသမီး ၃ ဦးနဲ့ လသားအရွယ် နို့စို့ကလေးငယ် ၁ ဦး စုစုပေါင်း ပြည်သူ ၈ ဦး ပွဲချင်းပြီးသေဆုံးခဲ့တယ်လို့ သိရပါတယ်။

ပီချောင်းဆုံဟာ ချင်းပြည်နယ်တောင်ပိုင်း မင်းတပ်၊ မတူပီ၊ ကန်ပက်လက်နဲ့ ပလက်ဝစတဲ့ မြို့နယ် ၄ ခု ဆုံရာမှာ တည်ရှိတယ်လို့ သိရပါတယ်။

မြို့တော် News Channel