ရန်ကုန်တိုင်း၊ မြောက်ဥက္ကလာပမြို့နယ်၊ ရွှေပေါက်ကံမြို့သစ်မှာ ညနေကျောင်းဆင်းချိန် Grade-3 ကျောင်းသား ကလေးငယ်ကိုကျောင်းကြိုကာ ဘတ္ထရီစက်ဘီးစီးလာတဲ့ သားအမိနှစ်ယောက် စက်ဘီးလဲရာက နောက်ကကားမှ ကြိတ်ခံလိုက်ရတဲ့ဖြစ်စဉ် ဖြစ်ပွားခဲ့တယ်လို့ သိရပါတယ်။
ဩဂုတ်လ ၂၆ ရက်နေ့ ညနေ ၅ နာရီခွဲအချိန်ခန့်မှာ ရွှေပေါက်ကံမြို့သစ်၊ အမှတ်(၁၂)ရပ်ကွက်၊ ပုဂံလမ်းမကြီးပေါ်မှာ ဖြစ်ပွားခဲ့တာဖြစ်ပြီး Grade-3 ကျောင်းသားကလေးငယ်မှာ နေရာမှာပဲ သေဆုံးသွားခဲ့ပြီး မိခင်ဖြစ်သူမှာ ဒဏ်ရာပြင်းထန်ရရှိခဲ့တယ်လို့ သိရပါတယ်။
ဖြစ်စဉ်မှာ သားအမိနှစ်ယောက် စက်ဘီးစီးပြီးပြန်လာစဉ် လမ်းဘေးမှာရပ်ထားတဲ့ ကားတစီးက နောက်ကိုမကြည့်ဘဲ တံခါးဖွင့်လိုက်တာကြောင့် စက်ဘီးနဲ့ငြိကာ လဲသွားခဲ့ပြီး နောက်မှလာတဲ့ ဒိုင်နာကားက တက်ကြိတ်မိခဲ့တာ ဖြစ်တယ်လို့ဆိုပါတယ်။
"ဖြစ်စဉ်ဖြစ်တာ အမှန်ပါ၊ အလကခွဲ(၁၀)ကနေ ကျောင်းကြိုပြီးပြန်လာတာ၊ ကလေးက ၃ တန်း ကျောင်းသားလေးပါ၊ နေရာမှာပဲသေသွားတယ်၊ အမေဖြစ်သူကတော့ မြောက်ဥက္ကလာဆေးရုံမှာ ဆေးကုသမှု ခံယူနေတယ်၊ ကြားရတာစိတ်ထဲမကောင်းဘူး" လို့ ဒေသခံတဦးက ပြောပါတယ်။
သေဆုံးသူကလေးငယ်မှာ Grade-3 ကျောင်းသား မောင်ပြည့်သုတ ဖြစ်တယ်လို့သိရပြီး လတ်တလောမှာတော့ ဒိုင်နာယာဉ်မောင်းဖြစ်သူ ဦးနန်းဦးမောင်ကို ရွှေပေါက်ကံနယ်မြေရဲစခန်းမှာ ဖမ်းဆီးအမှုဖွင့်ကာ အရေးယူဆောင်ရွက်နေတယ်လို့ သိရပါတယ်။
မှုခင်းသတင်း
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့မှာ ဘိန်းစာရွက်ပြုတ်ရည် သုံးစွဲသူ များနေပြီး အများစုက ဆယ်ကျော်သက်လူငယ်တွေ ဖြစ်နေလို့ ဖမ်းဆီးမှုတွေ လုပ်နေရတယ်လို့ သိရပါတယ်။
မှုခင်းသတင်း
မကွေးတိုင်း၊ ပွင့်ဖြူမြို့နယ်၊ ရေပုတ်ကြီးကျေးရွာနဲ့ ကျောင်းကုန်းကြီးကျေးရွာကြားမှာ ပျူစောထီး အဖွဲ့ဝင်တွေ မောင်းလာတဲ့ သုံးဘီးဆိုင်ကယ်ကို ရပ်တန့်စစ်ဆေးရာက အပြန်အလှန်ပစ်ခတ်မှု ဖြစ်ပွားခဲ့ပြီး သုံးဘီးပေါ်ပါလာတဲ့ အမျိုးသမီး ၁ ဦး…
မှုခင်းသတင်း
မွန်ပြည်နယ်၊ မော်လမြိုင်မြို့၊ မရမ်းကုန်းရပ်ကွက် ကမ်းနားလမ်းရှိ 'ကိုကိုနှင့်ညီညီ' လျှပ်စစ်ပစ္စည်းဆိုင်တဆိုင် ဓားပြတိုက်ခံရတယ်လို့ သိရပါတယ်။
မှုခင်းသတင်း
မန္တလေးတိုင်း၊ ဝမ်းတွင်းမြို့နယ်မှာ တောင်ယာလုပ်ကိုင်နေတဲ့ လူငယ်အမျိုးသားတဦး သြဂုတ် ၂၇ ရက်နေ့က ဖမ်းဆီးခံခဲ့ရတယ်လို့ သိရပါတယ်။
