KTV က ကောင်မလေး တင်လာတဲ့ တိုင်းသမညွှန်မှူး မူးပြီး ဓာတ်တိုင်ကို ကားနဲ့ ဝင်တိုက်

KTV က ကောင်မလေး တင်လာတဲ့ တိုင်းသမညွှန်မှူး မူးပြီး ဓာတ်တိုင်ကို ကားနဲ့ ဝင်တိုက်

အောက်တိုဘာ ၁၇

ဧရာဝတီတိုင်း၊ ပုသိမ်မြို့၊ မြို့မရဲစခန်းရှေ့က ဓာတ်တိုင်ကို တိုင်းသမညွှန်မှူးရဲ့ ကားက ဝင်တိုက်ခဲ့ပြီး ကားထဲမှာ KTV က အမျိုးသမီးနဲ့ တိုင်းသမညွှန်မှူးတို့ကို တွေ့ခဲ့တယ်လို့ သိရပါတယ်။

အောက်တိုဘာ ၁၇ ရက် နံနက် ၁ နာရီ ဝန်းကျင်အချိန်ခန့်က တိုင်းသမညွှန်မှူး ကျော်စိုးမင်း မောင်းနှင်လာတဲ့ အိမ်စီးကားဟာ မြို့မရဲစခန်းရှေ့က လမ်းဘေးဓာတ်တိုင်ကို ဝင်တိုက်မိခဲ့တာလို့ သိရပါတယ်။

“မူးပြီး ဝင်တိုက်တာ၊ ကားပေါ်မှာ KTV က ကောင်မလေးလည်း ပါတယ်။ ကားက လေအိတ်ပွင့်တော့ ဘာမှမဖြစ်ဘူး၊ ကားထဲ ငွေစက္ကူတွေ အထပ်လိုက်တွေ့တယ်။ အခု ရဲစခန်းက ကားကို သိမ်းထားတယ်၊ အမှုဖွင့်မယ်ထင်တယ်” လို့ ဒေသခံတဦးက ပြောပါတယ်။

ယာဉ်တိုက်မှုကြောင့် ဓာတ်တိုင် ထက်ပိုင်း ကျိုးကျသွားခဲ့ပြီး ယာဉ်ပေါ်ပါသူတွေ ထိခိုက်ဒဏ်ရာရရှိမှု တစုံတရာ မရှိခဲ့ဘူးလို့ သိရကာ ရဲစခန်းက အမှုဖွင့်ဖို့ ပြင်နေတယ်လို့ သိရပါတယ်။

မြို့တော် News Channel